夏日炎炎，相信大家行街嘅時候都試過買番杯手搖飲品消暑，而珍珠奶茶更當中嘅佼佼者。作為台灣最具代表性嘅飲品，珍珠奶茶由1990年代傳到香港之後就成為最多人喜愛嘅飲品之一。但係唔知大家又有無試過喺珍珠奶茶嘅發源地--台灣，飲地道嘅珍珠奶茶？今次小編就為大家介紹5間台北各具特色嘅珍珠奶茶店，作為奶茶控嘅你喺時候出發制霸全台北珍奶喇！

【輸入Coupon TEA0718另減$50】台灣來回機票優惠$590+

優惠推廣期至2018年7月24日

1. 珍煮丹

圖片來源

珍煮丹由2010年起家後，人氣勢如破竹！由夜市攤檔做到入舖，再發展到而家20幾間分店，可以睇得出幾受台灣人喜愛！而珍煮丹咁多款人氣嘅飲品之中，「黑糖珍珠鮮奶」最受人歡迎！根據店員提議，由於黑糖珍珠本身帶有甜味，第一次飲嘅客人可以先叫3分甜試吓！

2. 陳三鼎黑糖青蛙鮮奶創始店

圖片來源

陳三鼎係全台只有一間店，位於台北公館，係唔少人到公館一定幫襯嘅飲品店之一。據聞陳三鼎係最早發明「青蛙撞奶」嘅飲品店，而所謂青蛙撞奶即係指喺黑糖珍珠中撞入純鮮奶。由於青蛙撞奶實在太出名，引黎咗好多同行模仿，所以陳三鼎把「青蛙撞奶」改名為「青蛙鮮奶」，驚客人買錯。除咗青蛙撞奶外，陳三鼎仲有好多其他青蛙系列商品，大家到台北旅行嘅時候記住唔好買錯！

3. 丸作食茶

圖片來源

丸作食茶係全台灣第一間即場製作珍珠嘅台式飲品店！大家可以透過玻璃睇到師傅製作珍珠嘅過程，新鮮度大UP！ 除咗常見嘅黑色珍珠外，丸作食茶仲有其他別具特色嘅「四色珍珠」~ 雖然珍珠七彩繽紛，但係所有顏色都係黎至食物原材料嘅天然色素。丸作食茶堅持唔用任何人造色素同防腐劑，每日現做珍珠，比大家食得開心又健康！其他特色人氣商品有：宇治抹茶拿鐵、粉紅仙人掌珍珠綠拿鐵等，口味多元化！

4.春水堂

圖片來源

講到珍珠奶茶，唔可以唔提全世界珍珠奶茶嘅發源地「春水堂」！據聞喺1987年，春水堂經理林秀慧一次偶然嘅機會下將地方小食「粉圓」加入凍奶茶同檸檬紅茶做調配，就制造出世上第一杯珍珠奶茶喇！大家黎到台北不妨到春水堂，品嚐由創始地所調配珍珠奶茶啦！

5.迷客夏

圖片來源

迷客夏最大嘅特色就係鮮奶，全店所有商品都採用自家「綠光牧場」嘅鮮乳調製！以健康、自然、無負擔為宗旨，帶比客人最自然，順滑，香濃嘅味道。除咗鮮奶外，迷克夏另一個特色就係口感Ｑ彈嘅蜂蜜白珍珠！小編非常推薦大家試吓迷克夏嘅招牌飲品「珍珠大正紅茶拿鐵」！大正紅茶本身帶有濃烈茶香，配上迷克夏引以自豪嘅鮮奶同珍珠，絕對令您回味無窮！

喺依5間珍珠奶茶店之中，小編最鍾意嘅就係迷客夏嘅珍珠奶茶！一諗起香濃嘅茶香同鮮奶味，再加上煙韌嘅珍珠，小編都想即刻飛去台北嘆番杯！想知多啲台灣嘅旅遊情報，就要留意 texpert.com 睇更多喇！

去台灣前，您可以留意:

【去台灣前必備】台灣URoaming 4G WiFi蛋 (香港領取)

【海拔2千米】台北新竹雪霸休閒農場雲霧步道一日遊