大家好，這次同大分享芭提雅的旅程。今次因為朋友是去7天曼谷加芭堤雅，但我只有4天的假期，所以我只會Join餘下4天芭堤雅的旅程。

DAY1

第1天香港出發，因為這次純粹打算同一班朋友hea下、行下、食下，又唔想咁辛苦天未光就要起身飛的去機場，所以我選擇坐泰航的TG601，中午12:45起飛，泰國時間下午2:25到達曼谷機場（泰國比香港時差慢1小時）

到達曼谷機場，攞好行李，第一時間去對面的電信公司買張上網數據咭，本人習慣會買Happy card，有3／5／7日無限任用。因為一個人，包車好貴，所以我這次到機場一樓搭巴士去芭堤雅。大家只要跟住指示牌行到1樓，就會見到售票柜位，會有不同巴士公司，票價約150-250泰幣，售票柜位旁邊就是機場員工餐廳，食物又平又地道。經過3小時車程到芭堤雅，馬上轉TUK TUK（2排車）返酒店，會合朋友時已經晚上7點幾，馬上出發去醫肚。晚餐我哋去咗芭提雅最新嘅大型SHOPPING MALL – TERMINAL 21，玩、食、買咩都有。

這次我哋喺芭堤雅住Siam@Siam Design Hotel Pattaya，是一間4星酒店，地點交通方便，出門口左手邊行2分鐘有找換店，朋友格過價話抵，酒店對面馬路係BIG C，酒店右手邊第1個路口直行5分鐘就到海灘了！酒店斜對面就係好出名的人妖餐廳。

DAY 2

酒店早餐後，我哋包咗一日車，10點左右出發去CARTOON NETWORK水上樂園，園區主要分成人區同兒童區（按遊戲激烈情況區分）仲有個好大嘅做浪池，可以玩大半日。不過園內用餐就好一般，我哋中午於園區美食廣場簡單食小小嘢，下午4點左右離開，返酒店梳洗一下，因為我哋訂咗晚上6點半，芭堤雅懸崖餐廳食晚飯。這間餐廳環境，影相呃like一流，食物都有水準，但離市中心比較遠，最好包車最緊要是提前訂位。

DAY 3

早餐後，大家都有自己活動，我就去咗酒店天台泳池，十幾層樓，一眼睇哂成個芭堤雅景色。中午我哋去咗酒店對面的按摩店做古法按摩，之後再去芭堤雅小型賽車埸EASYKART玩，酒店包部TUK TUK車去20分鐘左右車程，賽車埸分高低速2條跑道，快個邊時速可達40-50/km，非常有速度感，離開賽車埸不遠，就是芭堤雅好出名的花街。餐廳、酒吧、夜店，各式其式。

DAY 4

回程日，我哋是坐TG602，晚上18:30飛機回港，所以早餐後，我哋到酒店對面BIG C的大型超市買手信，為免交通塞車，中午食完飯就提早出機場完成本次旅程了！

撰文︰
EDMOND TANG   專業旅運將軍澳東港城分行
直線電話: 3959 1677
電郵: [email protected]