想逃離香港忙碌嘅都市生活?但係又請唔到大假去澳洲、紐西蘭?小編誠心推薦可以到台灣體驗農場生活,親親大自然!其實喺台灣有好具特色嘅農場,例如:台中嘅「清境農場」、「武陵農場」,台北嘅「雪霸休閒農場」等。而家就等小編介紹吓依3個農場嘅唔同特色啦!
台中「清境農場」
清境農場位於南投縣仁愛鄉,場內分為兩大區域:分別係「青青草原」同「觀山牧區」。「青青草原」喺清境農場人氣最旺嘅景點,可以同綿羊群一齊喺綿延不盡嘅草原上散步!
羊咩咩脫衣秀
「青青草原」每逢星期六、日會有黎自紐西蘭嘅牧羊人格蘭先生,為大家帶黎「羊咩咩脫衣秀」。格蘭先生會以風趣幽默嘅方式為各位觀眾講解綿羊知識,仲會示範點樣迅速俐落地幫綿羊「除衫」!表演完咗之後,遊客仲有機會近距離親近綿羊群,進行餵食同互動!
台中「武陵農場」
武陵農場位於台中市和平區平等村,同時仲係國寶魚櫻花鉤吻鮭嘅家鄉!周圍種植咗好多唔同品種嘅櫻花,每逢賞櫻季節都會吸引大量人流。武陵農場一年四季嘅景色都大有不同,四處瀰漫住果香同清新空氣,遊客仿如入咗人間仙境一樣。
台灣櫻花鉤吻鮭生態中心
喺台灣櫻花鉤吻鮭生態中心,大家可以見到台灣特有品種「櫻花鉤吻鮭」。展示區會同大家詳細介紹鮭魚嘅生態、分布以及保育成果等等…
松林大道
松林大道兩邊種滿咗松樹同其他唔同品種嘅花卉。大家可以沉醉於松香之中,吸收芬多精。被綠意包圍散步令人非常放鬆!
台北「雪霸休閒農場」
雪霸休閒農場位於新竹五峰鄉,海拔高達1,923公尺,一年有300日都被雲霧包圍,鄰近觀霧森林遊樂區。喺雪霸休閒農場您可以晀望到出名嘅雪霸聖稜線,夜晚仲可以觀賞到香港睇唔到嘅閃爍星空!
雲海咖啡廳、雲霧西餐廳
喺大霧嘅日子大家可以喺被雲海包圍嘅戶外庭園一邊享受咖啡,一邊渡過休閒午後,享受大自然嘅寧靜。
特色木屋住宿設備
雪霸休閒農場為大家提供住宿設備,大家可以喺以歐式風格建築嘅森林木屋入面住番晚,感受喺森林入面生活嘅感覺。
山椒魚生態中心
大家去到雪霸休閒農場,可以順便到鄰近嘅觀霧森林遊樂區參觀!喺個到有「山椒魚生態中心」俾大家同可愛又神秘嘅山椒魚見面,了解更多有關觀霧生態嘅知識。
雲霧步道
而喺「山椒魚生態中心」隔離嘅「雲霧步道」可以俾大家感受步於雲端嘅感覺。喺八月份仲有機會見到全世界稀有嘅隸慕華鳳仙花!
睇完「清境農場」、「武陵農場」同「雪霸休閒農場」嘅特色介紹後,相信大家都心郁郁想即刻放低手頭上嘅工作,去台灣體驗農場生活,享受大自然。除咗農場之外,台灣仲有好多其他自然靚景!想知多啲台灣嘅旅遊情報,就要留意 texpert.com睇更多喇!
出發台灣前,您可以留意:
【去台灣前必備】台灣URoaming 4G WiFi蛋 (香港領取)
【羊咩咩脫衣秀】台中清境高空景觀步道樂活一日遊
【賞櫻好地方】台中武陵農場南谷小旅行一日遊
【海拔2千米】台北新竹雪霸休閒農場雲霧步道一日遊